|
|
|
5. Հարցման արդյունքներ
Այս բաժինը նվիրված է ԱՐԵՎԱԿ-ի հարցման արդյունքների հետ աշխատելու վերաբերյալ հարցերին:
5.1. Հարցման արդյունքների մշակումՈրոնում կամ Արագ որոնում կոճակները սեղմելու դեպքում ԱՐԵՎԱԿ-ի որոնման համակարգը գտնում է Ձեր ընտրած չափանիշներին համապատասխանող դեպքեր:Հայտնվում է հաղորդագրություն, որտեղ նշվում է հարցման իրականացման մոտավոր ժամանակը: Եթե հարցումը «ծանր» է, և որոնումը երկար ժամանակ կտևի, կարող եք սեղմել Չեղարկել կոճակը և փոփոխել Ձեր հարցումը: Եթե սեղմում եք Նոր որոնում կոճակը, ապա բացվում է ԱՐԵՎԱԿ-ի նոր որոնման պատուհանը: Յուրաքանչյուր նոր որոնման պատուհանում Դուք կարող եք տալ իրարից անկախ առանձին հարցումներ և կառուցել առանձին ենթակորպուսներ: Նման հնարավորությունը թույլ է տալիս, օրինակ, համեմատել երկու նմանատիպ, բայց ոչ նույն հարցումների արդյունքները (օրինակ՝ միևնույն հարցման որոնումը 19-րդ և 20-րդ դարերում. տե՛ս հարցման օրինակը): 5.2. Հարցման արդյունքների բնութագիրՀիմնական պատուհանի վերևի մասում հայտնվում է հետևյալ ինֆորմացիան՝
5.3. Զրո արդյունքԵթե հարցմանը չի համապատասխանում ոչ մի համատեքստ, էկրանին հայտնվում է հաղորդագրություն հարցման արդյունքների բացակայության հնարավոր պատճառների մասին:
Եթե հաղորդվում է, որ հարցման որոշակի մաս չի գտնվել, ստուգեցեք մուտքագրված բառույթի կամ բառաձևի ուղղագրությունը: Եթե չի գտնվում որոշակի բառույթ, հավանական է, որ այդ բառույթը բացակայում է ԱՐԵՎԱԿ-ի քերականական բառարանում: Նման դեպքում Դուք կարող եք մուտքագրել համապատասխան բառույթի որևէ բառաձև, ընտրելով Բառաձև էջը (բացի այդ, կարող եք օգտագործել * վերջավորությունների փոխարեն, որը հնարավորություն կտա որոնել բոլոր բառաձևերը):
Եթե արդյունքները բացակայում են քերականական հարցման դեպքում, ապա դա կարող է պայմանավորված լինել այն փաստով, որ կորպուսում բացակայում են ընտրված հատկանիշների համադրությամբ բառաձևերը (ընդ որում նման դեպքերում հաշվի են առնվում ոչ միայն քերականական հատկանիշները, այլ նաև կետադրությունը, դիրքը նախադասության մեջ և այլն):
Նույն հագորդագրությունն է հայտնվում նաև այն դեպքում, երբ քերականական հատկանիշների կամ տրամաբանական արտահայտությունների ձեռքով մուտքագրելու դեպքում սխալներ են բաց թողնվել (օր.՝ «sing» «sg»-ի փոխարեն կամ «coverb« «converb«-ի փոխարեն կամ «N&loc» «N, loc»-ի փոխարեն): Տրամաբանական արտահայտությունների շարահյուսությունը նկարագրված է ըստ քերականական հատկանիշների որոնման բաժնում, իսկ ԱՐԵՎԱԿ-ում օգտագործված քերականական պիտակների ցուցակին կարելի է ծանոթանալ համապատասխան բաժնում:
Մյուս հաղորդագրությունը, որ կարող է հայտնվել արդյունքների բացակայության դեպքում, այն է, որ չեն գտնվել դեպքեր, որոնք համատեղում են հարցման նշված մասերը: Դա նշանակում է, որ բառույթը (բառաձևը) կորպուսում հանդիպում է, սակայն այդ դեպքերը չեն համապատասխանում հարցման մեջ նշված հատկանիշների համադրությանը:
5.4. «Ծանր» հարցումներՈրոշակի հարցումների որոնումը կարող է շատ երկար տևել: Մեկ բառանիշի հարցման դեպքում հիմնական պատճառը չափազանց անորոշ լինելն է: Հիմնականում դա պայմանավորված է հետևյալ դեպքերի հետ.
Հարկ է նկատի ունենալ, որ անկախ նրանից, թե ինչքան մանրամասն են նշված հարցման մյուս բառանիշների հատկանիշները, եթե այդ հարցումը պարունակում է որևէ «ծանր» բառանիշի որոնում, ապա այն, միևնույն է, համակարգի կողմից կմշակվի որպես ծանր հարցում: Այսպիսով, եթե հարցումը ընդգրկում է խմել բառը, որին անմիջապես հետևում է մոտ բառը, ապա համակարգը արագ գտնում է արդյունքները, որոնք չորսն են:
5.5. Հարցման արդյունքների դիտումՀարցման արդյունքները մեկ էջից ավել կազմելու դեպքում սեղմեք հիմնական պատուհանի ներքևում զետեղված Առաջին և Վերջին, ինչպես նաև էջի թվի կոճակները՝ էջերը թերթելու համար: ԱՐԵՎԱԿ-ի համակարգը լռելյայն մեկ էջում ընդգրկում է 10 արդյունք: Ներկայացվող արդյունքների քանակը կարելի է փոփոխել Արտածման չափանիշներ պատուհանում:5.6. Համատեքստի ընդլայնումԱՐԵՎԱԿ-ի համակարգը գտնված դեպքերը լռելյայն նշում է դեղին գույնով և ներկայացնում է մեկ նախադասությամբ համատեքստում, որի համար ներկայացվում է հիմնական մետաինֆորմացիան, այն է` հեղինակին, վերնագիրը և ստեղծման տարեթիվն ու ժամանակաշրջանը, եթե հայտնի է: Եթե միևնույն համատեքստը պարունակում է մեկից ավելի Ձեր հարցմանը համապատասխանող դեպքեր, ապա դրանցից միայն մեկն է նշվում գույնով: Եթե գտնված դեպքերի քանակը 10,000-ից քիչ է, ապա նույն համատեքստը նորից կհայտնվի արդյունքների մեջ:Գտնված արդյունքի համատեքստն ընդլայնելու համար սեղմեք տվյալ արդյունքի պատուհանի վերևի աջ անկյունում զետեղված Ընդլայնել կոճակը, որը կբացի ընդլայնված համատեքստի պատուհանը: Համակարգը լռելյայն ներկայացնում է մեկ նախադասություն գտնված դեպքից առաջ և մեկ նախադասություն՝ հետո: Դուք կարող եք փոխել այդ չափանիշները՝ ավելացնելով մինչև երկու կամ երեք նախադասություն գտնված դեպքից առաջ և հետո: Փոխելու համար ընտրեք համապատասխան հնարավորությունը Արտածման չափանիշներ պատուհանում: Դուք կարող եք շարունակել ընդլայնել համատեքստը 1-3-ական նախադասությամբ՝ սեղմելով Ընդլայնել կոճակը: Համատեքստի հետագա (անսահմանափակ) ընդլայնումը հնարավոր է միայն սահամանափակ տեքստերի համար, որոնց վրա չի տարածվում հեղինակային իրավունքը (այն տեքստերը, որոնց հեղինակները մահացել են ավելի քան 70 տարի առաջ):
5.7. Բառագիտական-ձևաբանական վերլուծությունՀամատեքստում ընդգրկված բառաձևին մկնիկը մոտեցնելու դեպքում հայտնվում է պատուհան, որը ցույց է տալիս բառաձևի բառագիտական-ձևաբանական պիտակավորումը` օգտագործելով ԱՐԵՎԱԿ-ի պիտակավորումը: Բառագիտական-ձևաբանական վերլուծությանը հետևում է տվյալ բառի անգլերեն համարժեքը: Բառագիտական-ձևաբանական վերլուծության պատուհանը կարելի է միացնել կամ անջատել` ընտրեով համապատասխան հնարավորությունը Արտածման չափանիշներ պատուհանում:5.8. ՏեսակավորումԱՐԵՎԱԿ-ի համակարգը թույլ է տալիս տեսակավորել գտնված համատեքստերը ըստ հետևյալ չափանիշների՝
Տեսակավորման չափանիշները ավելացնելու կամ նվազեցնելու համար սեղմեք գումարման կամ հանման նշանները, որոնք գտնվում են Տեսակավորել ըստ՝ կարգի ներքևի մասում: 5.9. Արտածման տառատեսակներԵթե հայերեն տառերը ճիշտ չեն երևում հարցման արդյունքներում, կարելի է անցում կատարել տառադարձման՝ Արտածման չափանիշներ պատուհանում Արտածման տառանշաններ կարգի տակ ընտրելով տառադարձումը: ԱՐԵՎԱԿ-ում օգտագործվող տառադարձումը հիմնված է Հյուբշման-Մեյե-ի տառադարձման համակարգի վրա: Տառադարձման ընտրության դեպքում տառադարձվում են բոլոր հայերեն բառերը` ներառյալ հեղինակի անունը և գրքի վերնագիրը:5.10. Արտածման ֆորմատԱՐԵՎԱԿ-ի համակարգը առաջարկում է արտածման չորս ֆորմատ.
| ||||||||